مساء الورد على الحلوين وحشتوني  

راح ادخل في الموضوع على طول <<مابراسها تكتب مقدمه هع هع

حبيت يكون ها البلوق مميز شوي

واخترت شاعر انا معجبه فيه وبقصائده كثير  

واخترت بعض المقتطفات من اشعاره اتمنى تعجبكم  

حبك مسافه تبتدي بالارض و آخرها القمر
حبك تقاسيم النسيم و عزف الحان البحر
حبك مدينه خايفه من الريح و شراع القدر
ليش الحذر؟؟ ياما سحابه تخون توقيت المطر
ليش الحذر؟؟ ياما نجوم تموت من كثر السهر
ليش الحذر؟؟ ياما ربيع يمر و يبكي الشجر
ليش الحذر و احنا مثل كل البشر احنا بشر

يا بعيده
المطر اجبرني اكتبلك قصيده
المطر هذي السنه سوى السما صفحه جديده
نشر صمتي
نشر شوقي
نشر احزاني السعيده
ردلي دمعي...ردلي سمعي...ردلي حنجرتي الشريده
المطر اجبرني اكتبلك قصيده
كنا اذا طق المطر نرجع يهال
اثنين تحت الجام نمشي بالعدال
الشوارع خاليه...المدينه خاليه
المحبه بليلنا الممطر حلال
اثنين تحت الجام يجمعنا المطر
اثنين و العالم خضر...كل شي خضر
حتى الاشاره و صوتنا و ماي البحر

معاك انت ... ابتدا عمري
و معاك انت ... انتهى أمري
يا أقوى قدر موجود
يا قسوة بدون حدود يا أكبر من النسيان

ابرد من ليالي البرد
ابرد من دموع الثلج
احاسيسك
مصرك ما مسح دمعه على خدودك
و حزني ما غرس زهره على عودك
يا جبار ياظالم احاسيسي و احاسيسك
ابرد من دموع الثلج
ابرد من ليالي البرد
و تحبني؟؟!!
يا جبار شنهو الحب علمني
برودك هذا قطعني
حنانك ما مطر لمسه على خدي
ما رش الشموس اللي حرقت ودي
يا جبار يا جبار
يا ماسك طريق الشوق
بس عني
يا مجرح قصايد قلبي.... كلمني
شنهو الحب
شنهو الحب .... علمني
برودك هذا قطعني

وهم .. كل المواعيد وهم
تعب .. كل المواعيد تعب

بإسم الحب .. بإسم الشوق
مأساتي معاكِ تزيد ..
و أتم بعيد .. و تتم بعيد ..
و أتم مثل الحزن .. أنطر سحابة عيد ..

أجي ملهوف ..
ملهوف عطش .. تحت المطر ملهوف ..
وقتي يطوف .. لوني ضايع و مخطوف ..
يضيع الشارع بصمتي ..
و صمت الانتظار سيوف ..

و كل ما مر .. وهم صوبي .. أقول انتي ..
اكذبت العيون .. و الموعد وهم

ألم كل ساعة و كل لحظه ألم

وين عيون حبتني .. و منتني ..
و قالت لي نعم ..
تلاشت فرحتي ..
و تاهت خطوتي ..
و حلمي كبير .. كبير .. في لحظة انهدم ..

حبيبى اختار
لاتنهار اعصابك
لاتنهار
اعترف بالسر..قول للناس
من حقنا نحب ونعيش
رغم الكون والاقدار
انت النبض فى شوقى
انت الدم فى عروقى
انت انسان خلق عمرى
وخلا لحظتى اعمار
معاك انته
يموت الفرق...
بين الشوك والازهار
وينبت فى حزن قلبى
فرح واشعار
اوقف ارحم اعصابك
ارحمنى من الافكار
لاتتركنى دمعة حب
على ساحل هواك احتار
تعال نعلنها ثورة حب
تعال نذوق مره
لذة الاصرار